विषाक्त रसायनयुक्त स्यानिटाइजर उत्पादन गर्ने उद्योगहरु औषधि व्यवस्था विभागकाे कारबाहीमा

 

२७ भदौ, काठमाडौं । औषधि व्यवस्था विभागले काठमाडौं र भक्तपुरका  विषाक्त रसायनयुक्त स्यानिटाइजर उत्पादन गर्ने पाँच वटा उद्योगहरुलाइ कारबाही गरेकाे छ। विभागको प्रयोगशालमा गरिएको परीक्षणमा काठमाडौंका चार र भक्तपुरका एक उद्योगले मानव स्वास्थ्यमा गम्भीर असर पार्ने केमिकल प्रयोग गरेर स्यानिटाइजर उत्पादन गरेको पाइएको थियाे।

विभागका  अनुसार मापदण्डविपरीत स्यानिटाइजर उत्पादन गर्ने उद्योगहरुमा काठमाडौंस्थित सर्च केम कम हर्बल प्रडक्ट्स , सूर्यमुखी हर्बल हाइजिन सोप एण्ड केमिकल प्रालि र आधार केमिकल एण्ड फुड इन्डष्ट्री प्रडक्ट्स छन् भने भक्तपुरको नेपाल कायाकल्प उद्योग छ ।

औषधि व्यवस्था विभागले यी उद्योगहरुबाट उत्पादित ‘इन्सट्यान्ट ह्याण्ड स्यानिटाइजर’, ‘इन्सट्यान्ट ह्याण्ड स्यानिटाइजर ओरिजिनल’, ‘एडभान्स््ड ह्यान्ड स्यानिटाइजर’, ‘इन्सट्यान्ट ह्याण्ड स्यानिटाइजर रिफ्रेसिङ जेल’ र ‘सूर्यमुखी ह्याण्ड स्यानिटाइजर’ प्रयोग नगर्न भनेको छ ।

विभागका अनुसार यी स्यानिटाइजरहरुमा विषाक्त रसायन मेथानोल समावेश भएको पाइएको छ । विषाक्त रसायन मेथानोलले मानव स्वास्थ्यमा गम्भीर असर पार्ने विभागले जारी गरेको सूचनामा उल्लेख छ । विभागका अनुसार स्यानिटाइजरमा इथानोल बाहेकका अन्य केमिकल प्रयोग गर्न पाइँदैन ।ति उद्योगहरुलाई कारबाहीको प्रक्रिया अघि बढाइएको विभागले जनाएको छ ।

औषधि व्यवस्था विभागले जारी गरेको सूचना