सरकारविरुद्ध विप्लवको पार्टी संघर्षमा उत्रियाे – (विज्ञप्तिसहित)

काठमाडौं । सरकारविरुद्ध नेत्रविक्रम चन्द (विप्लव) नेतृत्वको नेपाल कम्युनिस्ट पार्टीले  संघर्षका कार्यक्रम सार्वजनिक गरेको छ । कात्तिक १५ गतेदेखि २० गतेसम्म संघर्षका कार्यक्रम सार्वजनिक गरेको हो ।

सरकारले कोरोनाको परीक्षणमा पनि शुल्क लिने निर्णय गरेको, जनताको स्वास्थ्यमा खेलवाड गरेको र सत्ताको आडमा भ्रष्टाचार गरेको भन्दै संघर्षका कार्यक्रम सार्वजनिक गरेकाे बताइएकाे छ । घाेषित कार्यक्रम अनुसार कात्तिक १५ गते कोणसभा गर्ने, १७ गते पर्चा वितरण गर्ने र २० गते विरोध जुलुस निकाल्ने नेपाल कम्युनिस्ट पार्टीका महासचिव नेत्र विक्रम चन्द (विप्लव) ले  जारी गरेको विज्ञप्तिमा उल्लेख छ ।