सरकारले कोरोना भाइरस परीक्षण र उपचारबाट हात झिक्याे

काठमाडौं ।सरकार बिस्तारै काेराेना राेगकाे परिक्षण र उपचारमा पछि हट्दै गएकाे छ । आइतबार अर्काे बिवादस्पद निर्णय गरेकाे छ । त्याे  निर्णयअनुसार अब नागरिकले कोरोना भाइरस परीक्षण र उपचार आफ्नै खर्चमा गर्नुपर्ने भएको छ । अनुसार यो निर्णय सरकारी, गैरसरकारी तथा निजी अस्पतालहरुमा कात्तिक २ गतेदेखि नै लागू हुनेछ ।

सरकारले आर्थिकरुपमा विपन्न, अशक्त, असहाय अवस्थामा रहेका नागरिक, असहाय एकल महिला, अति अपाङ्गता भएका नागरिक, जेष्ठ नागरिक, अग्रपंतिमा खटिने स्वास्थ्यकर्मी, सरसफाइ कर्मचारी, सुरक्षाकर्मीलगायत जोखिम क्षेत्रमा कार्यरत कर्मचारीमा लक्षण भएमा मात्र परीक्षण र उपचार निःशुल्क गर्ने निर्णय गरेको हो । अन्य सबै व्यक्तिको परीक्षण तथा उपचार व्यक्तिको आफ्नै खर्चमा गर्ने गराउने निर्णय भएको स्वास्थ्य तथा जनसंख्या मन्त्रालयले जनाएकाे छ ।