देशभर १२सय ०७ जना कोरोनाका संक्रमित थपिए, ७सय २४ उपत्यकामा मात्रै

काठमाडौं । शनिबार देशभर १२सय ०७ जना कोरोनाभाइरस संक्रमित थपिएका छन् ।  स्वास्थ्य मन्त्रालयकानुसार  यससँगै देशभर कोरोना संक्रमितको कुल संख्या ७१ हजार ८२१ पुगेको छ ।मन्त्रालयकानुसा देशभर सक्रिय संक्रमितको संख्या १८ हजार ३४१ जना रहेको छ । जसमा संस्थागत आइसोलेशनमा ७ हजार ८३३ र होम आइसोलेशनमा १० हजार ५०८ जना रहेका छन् ।मन्त्रालयका अनुसार काठमाडौं उपत्यकामा मात्र ७२४ संक्रमित थपिएका छन्, जसमध्ये काठमाडौंका ५८३, ललितपुरका ७८ र भक्तपुरका ६३ जना छन् ।

पछिल्लो २४ घण्टामा काठमाडौं उपत्यकाका ४ सहित ८ जनाको मृत्यु भएको छ ।