५६ हजार ४सय २८ जना कोरोना संक्रमणमुक्त, उपत्यकामा संक्रमित थपिने क्रम बढदाे

काठमाडौं । पछिल्लो २४ घण्टामा थप १५सय५९ जनामा कोरोना भाइरसको संक्रमण पुष्टि भएको छ । देशभरका प्रयोगशालामा १२ हजार २०५ नमुना परीक्षण गर्दा ५सय८२ महिला र ९सय७७ पुरुषमा संक्रमण पुष्टि भएको हो ।यससँगै कुल संक्रमितको संख्या ७७ हजार ८सय१७ पुगेको छ । उनीहरुमध्ये ४९८ जनाको मृत्यु भएको छ भने ५६ हजार ४२८ जना संक्रमणमुक्त भएका छन् । पछिल्लो २४ घण्टामा मात्र १ हजार५७ जना संक्रमणमुक्त भएका छन् ।

मन्त्रालयका अनुसार  उपत्यकामा मात्र ९सय ०२ जना संक्रमित थपिएका छन्। जसमध्ये काठमाडौंका ६सय ९७ जना, ललितपुरका १सय १२ र भक्तपुरका ९३ जना छन् ।देशभर २० हजार ८९१ सक्रिय संक्रमित छन् । उनीहरुमध्ये १० हजार ८०४ होम र १० हजार ८७ संस्थागत आइसोलेसनमा छन् ।