शेर्पा संघ बेलायतमा आङ दावाकाे अध्यक्षतामा नयाँ कार्यसमिति

काठमाण्डाै ।   शेर्पा संघ बेलायतको अध्यक्षमा   आङ दावा शेर्पा (च्यावा) शेर्पा सर्वसम्मत निर्वाचित भएको छ । आईतबारको दिन अनलाईन भर्चुवल मार्फत भएको आठौँ अधिवेशनबाट आङ दावा अध्यक्षमा  र रिन्जी लामा शेर्पा महासचिवमा सर्वसम्मत निर्वाचित भएका हुन।कार्यसमितिकाे उपाध्यक्षमा योन्तेन ग्याछो शेर्पा र आङ ल्हाक्पा शेर्पा,  सचिवमा डोल्मा शेर्पा, कोषाध्यक्षमा नुरी शेर्पा, सह कोषध्यक्षमा काजी शेर्पा, संस्कृति सचिवमा आङ काजी शेर्पा, संस्कृति सह सचिवमा याङजी शेर्पा त्यसैगरी सदस्यहरुमा सोनाम शेर्पा, दावा छिरिङ शेर्पा, छोङ शेर्पा, ल्हाक्पा शेर्पा, छिरिङ शेर्पा र नोर्वु शेर्पा निर्वाचित भएकाे बताइएकाे छ  ।

जम्बुलिङ शेर्पा छोक्पाको अध्यक्ष आङ दोर्जी लामा शेर्पाको प्रमुख आतिथ्यमा सम्पन्न भएको अधिवेशनबाट नयाँ  कार्यसमिति चुनेकाे हाे । विभिन्न देशमा रहेका शेर्पा संघ सस्थाको प्रतिनिधि लगायत नेपालका शेर्पा संघ संस्थाको उपस्थितिमा सम्पन्न सम्मेलनमा शेर्पा भाषा, संस्कार, संस्कृति लगायत शेर्पा समुदायलाई राजनैतिक चेतना जागृत गर्नु पर्ने विषयमा छलफल भएको थियाे ।