विमानस्थलमा बिहानै आगलागी ,नियन्त्रणमा लिने प्रयास जारी

काठमाडौं । हुम्लाको सिमकोटस्थित विमानस्थलमा बिहीबार बिहानै आगलागी भएको छ । विमानस्थलका प्रमुख बस्ने क्वाटरमा बिहानै अचानक आगलागी भएको जिल्ला प्रहरी कार्यालय हुम्लाले जानकारी दिएकाे छ । विमानस्थल क्वाटरमा लागेको आगो नियन्त्रणका लागि जिल्लास्थित नेपाल सेना, सशस्त्र प्रहरी र जनपथ प्रहरीसहित स्थानीय खटिएका छन् ।

चिसोले पानी जमेका कारण आगो निभाउ समस्या भएको छ । तर बिहानैदेखि सबै लागेर आगो नियन्त्रणमा लिने प्रयास भैरहेको छ ।आगोको लप्काले विमानस्थल क्वाटरको भवन छिचोलेर बाहिर निस्केपछि मात्रै आगलागीका बारेमा जानकारी प्राप्त भएकाे र अहिलेसम्म के कारणले आगो लाग्यो भन्ने बारेमा कुनै जानकारी प्राप्त नभएको बताइएकाे छ ।