प्रधानमन्त्री ओलीले शपथ लिए लगत्तै गरेकाे पदभार ग्रहणमा भने- महामारीमा स्वास्थ्य सामग्रीमा भ्रष्टाचार गर्नेलाइ छाडिन्न

काठमाडौं । प्रधानमन्त्री केपी शर्मा ओलीले कोभिड–१९ महामारी नियन्त्रणमा सरकारका सबै सामथ्र्य केन्द्रित गरिने  र राज्यका सबै अंग यसमा परिचालन गरिने बताएका छन । प्रधानमन्त्री पदको शपथ लिएपछि प्रधानमन्त्री तथा मन्त्रिपरिषद कार्यालयमा पदभार ग्रहण गर्दै उनले कोरोना महामारी नियन्त्रणका लागि राज्यको सबै शक्ति लगााउने बताएका हुन् ।

प्रधानमन्त्री ओलीले महामारीको अहिलेको समयमा सेवा भावका साथ सहयोग गर्न आग्रह गरेका छन् । उनले महामारीका बेला स्वास्थ्य सामग्री, औषधि र स्वास्थ्य सेवा उपलब्ध गराउने सम्बन्धमा भ्रष्टाचार र अनियमिता गर्नेमाथि सरकार कडाइका साथ प्रस्तुत हुने पनि  बताएका छन ।

प्रधानमन्त्री केपी शर्मा ओलीले  शुक्रबारै राष्ट्रपति विद्यादेवी भण्डारीसामु पद तथा गोपनियताको शपथ लिएलगत्तै उनले २१ मन्त्री र तीन राज्यमन्त्री नियुक्ति सिफारिस गरेका हुन् ।एमाले अध्यक्ष समेत रहेका ओलीले यसअघिको मन्त्रिपरिषदमा रहेका सबैलाई मन्त्री बनाएका छन् । नवनियुक्त मन्त्रीहरुले राष्ट्रपति र राज्यमन्त्रीहरुले प्रधानमन्त्री समक्ष पद तथा गोपनीयताको शपथ लिएका छन् ।

यि हुन  नवनियुक्त  मन्त्रीहरू
१। ईश्वर पोखरेल, उप्रपधानमन्त्री, प्रधानमन्त्री तथा मन्त्रिपरिषद कार्यालय
२‍। रामबहादुर थापा बादल, गृह
३। टोपबहादुर रायमाझी, उर्जा, जलस्रोत तथा सिञ्चाइ
४। विष्णु पौडेल, अर्थ
५। प्रदीप ज्ञवाली, परराष्ट्र
६। हृदयेश त्रिपाठी, स्वास्थ्य तथा जनसंख्या
७। लेखराज भट्ट, उद्योग, वाणिज्य तथा आपूर्ति
८। कृष्णगोपाल श्रेष्ठ, शिक्षा तथा विज्ञान प्रविधि
९। प्रभु साह, सहरी विकास
१०।भानभुक्त ढकाल, संस्कृति, पर्यटन तथा नागरिक उड्डयन
११। मणिचन्द्र थापा, खानेपानी
१२। पद्‍मा अर्याल, कृषि
१३। बसन्त नेम्वाङ, भौतिक पूर्वाधार तथा यातायात
१४। गौरीशंकर चौधरी, श्रम, रोजगार तथा सामाजिक सुरक्षा
१५। पार्वत गुरुङ, सञ्चार तथा सूचना प्रविधि
१६। शिवमाया तुम्बाहाम्फे, भूमि व्यवस्था, सहकारी तथा गरिबी निवारण
१७। लीलानाथ श्रेष्ठ, कानून, न्याय तथा संसदीय मामिला
१८। गणेशसिंह ठगुन्ना, संघीय मामिला तथा सामान्य प्रशासन
१९। प्रेमबहादुर आले, वन
२०। जुलीकुमारी महतो, महिला, बालबालिका तथा ज्येष्ठ नागरिक
२१। दावा लामा तामाङ, युवा तथा खेलकुद

राज्यमन्त्रीहरु

२२। नवराज राउत, स्वास्थ्य तथा जनसंख्या
२३। रामवीर मानन्धर, सहरी विकास
२४। विमला विक, उद्योग, बाणिज्य तथा आपूर्ति