दिल्लीमा केटाहरुको रामधुलाई बारे शाहरुखले खोले रहस्य

बलिउडका सुपरस्टार शाहरुख खानका प्रसंसक संसारभर छन् । एकपटक दिल्लीका केटाहरुले शाहरुख खानलाई नराम्रोसँग राम धुलाई गरेका थिए । एउटी युवतीलाई आफ्नी प्रेमिका भनेकोमा शाहरुख खानले कुटाइ खाएका थिए ।

शाहरुख खानले कपिल शर्माको च्याट शोमा यसबारे जानकारी दिएका छन् । उनले भनेका थिए, ‘एकपटक म एक युवतीलाई डेट गरिरहेको थिएँ, त्यति नै बेला ती युवतीलाई आफ्नी प्रेमिका भन्दा केही केटाहरुले मलाई कुटेका थिए । केटाहरुले ती युवती मेरी प्रेमिका नभई मेरी भाउजु भएको बताउँदै मलाई कुटेका थिए ।’ शाहरुख खानले घटनाबारे कुरा गर्दै उनी आज पनि आफ्नी श्रीमतीसँग दिल्ली जाँदा उनलाई भाउजु भन्ने गरेको बताए । दिल्ली जाँदा कसैले गौरीबारे सोध्दा उनी उनको परिचय भाउजुको रुपमा दिन्छन् ।

वर्कफ्रन्टको कुरा गर्ने हो भने शाहरुख खान अन्तिम पटक निर्देशक आनन्द एल रायको फिल्म ‘जिरो’ मा कट्रिना कैफ र अनुष्का शर्मासँग देखिएका थिए । शाहरुख खान अब निर्देशक राजकुमार हिरानीको फिल्ममा दखिने बताइएको छ । यद्यपि, अहिले नै यसको आधिकारिक घोषणा भने भइसकेको छैन ।