कोरोनाबाट ज्यान गुमाउनेको संख्या १,६७४, देशभर १२,१४८ सक्रिय संक्रमित

काठमाडौँ । स्वास्थ्य तथा जनसंख्या मन्त्रालयका अनुसार नेपालमा पछिल्लो २४ घण्टामा थप १ हजार ४४ जनामा कोरोना भाइरसको संक्रमण पुष्टि भएको छ।  मन्त्रालयका अनुसार ७ हजार ४ सय १४ जनामा गरिएको परीक्षणमा १ हजार ४४ जनामा संक्रमण पुष्टि भएको हो ।  मन्त्रालयका अनुसार यससँगै नेपालमा हालसम्म कोरोना संक्रमितको कुल संख्या २ लाख ४६ हजार ६ सय ९४ पुगेको छ।

हाल देशभर १२ हजार १ सय ४८ जना सक्रिय संक्रमित छन् भने ५ सय १९ जना क्वारेन्टिनमा छन् ।  देशभर १ हजार २७१ जना कोरोना संक्रमणमुक्त भएका छन् । हालसम्म कोरोना भाइरसबाट निको हुनेको संख्या २ लाख ३२ हजार ८७२ पुगेको छ।यस्तै पछिल्लो २४ घण्टामा नेपालमा थप ११ जना कोरोना संक्रमितको मृत्यु भएको छ। योसँगै देशभर कोरोनाबाट ज्यान गुमाउनेको संख्या १ हजार ६ सय ७४ पुगेको स्वास्थ्य मन्त्रालयले जनाएको छ।