सांसद दिव्यमणिकाे राष्ट्रिय आविष्कार केन्द्रलाई  १ लाख सहयाेग

काठमाण्डाै ।     नेपाल सम्बत ११४१ को नवबर्षको दिन आज न्यूंह दया भिन्तुनाको उपलक्ष्यमा  नेपाली कांग्रेसका नेता एंब संघीय संसद नेपाल, प्रतिनिधि सभा सदस्य  दिव्यमणि  राजभण्डारीले   राष्ट्रिय आविष्कार केन्द्रलाई  १ लाख  दिएका छन ।  राष्ट्रिय आविष्कार केन्द्रका महाबिर पुनलाइ  घरमा बाेलाएर  राजभण्डारीले राष्ट्रिय आविष्कार केन्द्रलाई उक्त रकम दिनभएकाे पुनले सामाजिक संजालमार्फत जानकारी दिएका छन ।  उनले भनेका छन – यसरी दान गर्ने प्रतिनिधि सभाका सदस्यहरुमा उहाँ पहिलो हुनु भयो ।

प्रतिनिधि सभा सदस्य राजभण्डारीले उनलाइ भनेका थिए – बिगत पच्चीस तीस बर्ष देखि हरेक बर्ष आजको नब बर्षको दिनमा मैले मेरो घरमा भोजको आयोजना गरेर साथीभाईहरु लाई बोलाएर खानपिन गरि रमाइलो गर्ने र नयाँ बर्ष मनाउने गर्दथें । तर यो बर्ष कोरोनाको महामारीले गर्दा त्यस्तो कार्यक्रम राख्न मिलेन  किन भने सामाजिक दुरी कायम राख्नु पर्ने र भोज भतेर गर्न नपाउने स्वास्थ्य बिज्ञहरुको सल्लाह छ र सो नमानेमा कोरोना फैलिने डर हुन्छ । त्यसैले यो बर्षको भोज गर्ने र रमाइलो गर्ने पैसा बचेको हुनाले सो पैसा राष्ट्रिय आविष्कार केन्द्रलाई दान गर्ने निर्णय गरेको हुँ । अरु बुझ्ने मान्छेहरुले पनि यसरी नै दान गर्न अनुरोध गर्दछु ।