भारी वर्षाका कारण दर्जनाै घर डुबानमा , केही सवारी साधनपनि बगे

बुटवल । निरन्तरकाे वर्षाले रुपन्देहीको विभिन्न स्थानमा वस्तीहरु डुबानमा पर्नुका साथै बाढीले दर्जन बढी घर बगाएको छ ।जिल्ला प्रहरी कार्यालय रुपन्देहीका अनुसार रुपन्देहीका बुटवल, तिलोत्तमा, देवदह र लुम्बिनी सांस्कृतिक नगरपालिकामा बाढीले क्षति पुन्याएको छ ।बुटवल उपमहानगरको लक्ष्मीनगरको डाँडामा सुखौरा खोलामा आएको बाढीले कम्तीमा ४ वटा घर, बाख्राको खोर र केही सवारी साधन बगाएको छ। त्यस्तै तिलाेत्तमा नगरपालिकामा विभिन्न स्थानमा ७ वटा घर बाढीले बगाएको छ ।

तिनाउ नदीको बाढीले बुटवल उपमहानगरपालिकाको वडा नं१७ रानीगन्जमा एक घर र देवदहको चरंगेमा एउटा घर खोलाले बगाएको छ । रोहिणी नदी बस्तीतिर पसेपछि तिलोत्तमा नगरपालिका–११ भूपू सैनिकमा करिब ५० घर डुबानमा परेका छन् ।